ЗГХЭГ-ын дарга Н.Учрал “Төгрөг нуурын орд” нь Ерөнхийлөгч асан Х.Баттулгатай хамааралтайг батлах баримтуудыг АТГ-т хүргүүлсэн. Харин АТГ “Төгрөг нуурын орд”-той холбоотой гэмт хэргийн талаарх мэдээлэл баримтыг АТГ-ын Мөрдөн шалгах хэлтэс 2025 оны дөрөвдүгээр сарын 14-ний өдөр хүлээж авсан. Хянаж үзээд 2025 оны дөрөвдүгээр сарын 17-нд Эрүүгийн хуулийн тусгай ангийн 22-ын нэгдүгээр зүйлийн гуравдахь хэсэгт заасан “Эрх мэдэл, албан тушаалаа урвуулан ашиглах”, 18-ын зургаадугаар зүйлийн нэг дэх хэсэг буюу “Мөнгө угаах” гэмт хэргийн зүйл ангиар хэрэг бүртгэлт нээсэн. Одоо мөрдөн шалгах ажиллагаа ид явж байна гэв.
