Улс төр
Ж.Чинбүрэн: Түүхий нүүрс хэрэглэдэг байхад ургийн жин бага, дутуу төрдөг асуудал их байсан
УИХ-ын Байгаль орчин, хүнс, хөдөө аж ахуйн Байнгын хороо хуралдаж байна. Агаарын бохирдол, утааны асуудлаар ерөнхий хяналтын сонсголын бэлтгэлийг хангах, зохион байгуулах үүрэг бүхий ажлын хэсгийн тайланг хэлэлцэх үеэр УИХ-ын гишүүн Ж.Чинбүрэн “Түүхий нүүрснээсээ салж чадсан нь маш том амжилт. Түүхий нүүрс хэрэглэдэг байх үед жирэмсэн эхийн хэвлийд бүрэлдэж буй ургийн жин бага, дутуу төрдөг, жирэмслэлтийн тоо цөөрдөг гэх мэт асуудал их байсан” гэлээ. Мөн тэрбээр “Гэртээ тамхи татахаар угаар мэдрэгч муухай дуугардаг учраас дууг нь хааж, зайг нь авчихсан. Ороогоод, авдартаа далд хийсэн гэх мэт иргэдийн өөрсдийнх нь хариуцлагын асуудал бий. Тиймээс иргэдэд байнга сэрэмжлүүлж, бэлэн байдлыг нь хангахгүй л бол угаартаж нас барах асуудал хэзээ ч зогсохгүй ” гэлээ.