Нийгэм
Ломбардын ажилтанд хутга тулган 500 саяын үнэт эдлэл, 1,5 сая төгрөг дээрэмдсэн этгээдийг илрүүлэн баривчиллаа
Хутга тулган бусдыг дээрэмдсэн этгээдийг олж тогтоон, дайчлан баривчилжээ. Тодруулбал, Энэ оны долоодугаар сарын 24-ний өдөр Сонгинохайрхан дүүргийн нутагт дэвсгэрт байрлах нэр бүхий барьцаалан зээлдүүлэх газрын ажилтныг үл таних этгээд хутга тулган айлган сүрдүүлж, ам,гарыг нь хүлж скочдон 500 сая төгрөгийн үнэ бүхий алт, монетон үнэт эдлэл, бэлэн 1.5 сая төгрөгийг дээрэмдсэн гэмт хэрэг бүртгэгдсэн байна.
Цагдаагийн байгууллагаас гэмт этгээдийг улсын хэмжээнд эрэн сурвалжлах ажлыг зохион байгуулж, орогнож байсан газрыг олж тогтоон, дайчлан баривчилж, мөрдөн шалгаж ажиллагааг үргэлжлүүлэн явуулж байна. Тухайн этгээдийг орон нутгаас баривчилжээ.