Дэлхий
Оросын нутаг дэвсгэрийн гүнд нисэх хүчний баазуудад өгсөн цохилтод 117 дрон ашигласан гэж В.Зеленьский мэдэгдэв
Оросын нутаг дэвсгэрийн гүнд нисэх хүчний баазуудад өгсөн цохилтод 117 дрон ашигласан гэж Украины Ерөнхийлөгч Володимир Зеленьский мэдэгдэв. Уг ажиллагааг бүтэн жил хагасын хугацаанд төлөвлөж бэлдсэн бөгөөд Оросын нэгэн бүс нутаг дахь Холбооны Аюулгүй байдлын албаны (ФСБ) яг хажууд байрласан нууц штабаас удирдаж, хэрэгжүүлжээ. Ням гарагт болсон энэхүү цохилтоор Оросын стратегийн бөмбөгдөгч болон пуужин зөөвөрлөгч онгоцны 34 хувийг устгасан байна.